Pwy yw Aelodau Senedd Cymru?
- Cyhoeddwyd
Aelodau newydd o Senedd Cymru; Altaf Hussain, Jane Dodds, Mabon ap Gwynfor a Sarah Murphy
Mae aelodau newydd Senedd Cymru'n dechrau setlo i'w swyddi newydd, yn trefnu staff ac yn dod yn gyfarwydd ag arferion bywyd mewn gwleidyddiaeth.
Yn dilyn Etholiadau Senedd 2021 mae 30 aelod Llafur, 16 i'r Ceidwadwyr, 13 i Blaid Cymru, ac un i'r Democratiaid Rhyddfrydol.
Ond pwy yw'r 60 aelod? Dyma ddarlun bras o'r holl aelodau, a'r pleidiau maent yn eu cynrychioli.
Aberafan
David Rees - Llafur
Cafodd David Rees ei ethol gyda 10,505 o bleidleisiau. Plaid Cymru oedd yn ail gyda 4,760 pleidlais, a'r Ceidwadwyr gyda 2,947.
Mae Llafur wedi ennill y sedd ym mhob etholiad ers 1999, gyda Plaid Cymru hefyd yn dod yn ail ym mhob un o'r etholiadau hynny.
Aberconwy
Janet Finch-Saunders - Y Ceidwadwyr
Fe enillodd Janet Finch-Saunders y sedd gyda mwyafrif o 3,336 - 7% yn uwch na 2016. Roedd Plaid Cymru yn targedu'r sedd fel un i'w hennill.
Alun a Glannau Dyfrdwy
Jack Sargeant - Llafur
Cafodd Jack Sargeant ei ethol i'r Senedd yn 2018 mewn is-etholiad yn dilyn marwolaeth ei dad, Carl. Cafodd Jack Sargeant 12,622 o bleidleisiau yn etholiad 2020, gyda'r Ceidwadwyr yn ail gyda 8,244.
Arfon
Sian Gwenllian - Plaid Cymru
Cafodd Sian Gwenllian ei hail-ethol i'r Senedd gyda mwyafrif o 8,642. Cafodd cyn-gynghorydd Y Felinheli ei hethol am y tro cynta i'r Senedd yn 2016.
Enillodd Sian Gwenllian 63.3% o'r bleidliais
Blaenau Gwent
Alun Davies - Llafur
Enillodd Alun Davies y sedd gyda mwyafrif o 6,638, i fyny 9.4% ar Etholiad 2016. Fe aeth pleidlais Plaid Cymru lawr 19.4% ym Mlaenau Gwent.
Bro Morgannwg
Jane Hutt - Llafur
Fe ddaliodd Jane Hutt ei gafael ar sedd Bro Morgannwg er gwaethaf ymdrechion y Ceidwadwyr oedd wedi ei thargedu. Yn wir fe aeth mwyafrif Jane Hutt i fyny o 777 i 3,270.
Mae Ms Hutt wedi cynrychioli'r etholaeth ers 1999.
Brycheiniog a Sir Faesyfed
James Evans - Y Ceidwadwyr
Roedd Kirsty Williams wedi dal y sedd yma i'r Democratiaid Rhyddfrydol ers 1999, ond wedi iddi benderfynu roi'r gorau iddi fe ddymchwelodd pleidlais ei phlaid.
Yn 2016 cafodd Ms Williams 52.4% o'r bleidlais, ond y tro hwn cafodd William Powell 28% (8,921 pleidlais).
Caerffili
Hefin David - Llafur
Enillodd Hefin David y bleidlais yng Nghaerffili gyda 46% yn ei gefnogi. Aeth ei gefnogaeth i fyny 10% o'i gymharu â phum mlynedd yn ôl.
Daeth Delyth Jewell o Blaid Cymru yn ail gyda 8,211 pleidlais.
Canol Caerdydd
Jenny Rathbone - Llafur
Fe gynyddodd Jenny Rathbone ei mwyafrif i 7.5% o'i gymharu â phum mlynedd yn ôl.
Mae hi wedi cynrychioli'r etholaeth ers 2011, gan ennill 13,100 o bleidleisiau y tro hwn - 46% o'r cyfanswm wnaeth bleidleisio.
Jenny Rathbone, Aelod Seneddol Llafur Canol Caerdydd
Castell-nedd
Jeremy Miles - Llafur
Cadwodd Gweinidog y Gymraeg ac Addysg newydd ei sedd gyda 11,666 o bleidleisiau - mwyafrif o 5,221.
Ceredigion
Elin Jones - Plaid Cymru
Cafodd Elin Jones ei hethol gyntaf yn 1999, ac fe gododd ei chanran o'r bleidlais o 40.7% yn 2016 i 55.1% eleni.
Elin Jones, Aelod Seneddol Ceredigion ers 1999
Cwm Cynon
Vikki Howells - Llafur
Mae Cwm Cynon wedi bod yn gadarnle i'r Blaid Lafur ers 1999. Cynyddodd Vikki Howells ei chanran o'r bleidlais o 51.1% pum mlynedd yn ôl i 55.7% eleni.
De Caerdydd a Phenarth
Vaughan Gething - Llafur
Cafodd Vaughan Gething 18,153 o bleidleisiau yn Ne Caerdydd a Phenarth - 49.9% o'r sawl bleidleisiodd. Daeth y Ceidwadwyr yn ail gyda 20.7%, ac yna Plaid Cymru gyda 13.6%.
De Clwyd
Ken Skates - Llafur
Daliodd Ken Skates a Llafur ymlaen i Dde Clwyd gyda mwyafrif o 2,913. Cafodd Skates 10,448 o bleidleisiau - mae wedi cael mwyafrif o 13% yn y ddwy etholiad ddiwethaf.
Delyn
Hannah Blythyn - Llafur
Fe gafodd Hannah Blythyn fwyafrif o 3,711, gan ennill cyfanswm o 12,846 o bleidleisiau.
Dwyfor Meirionnydd
Mabon ap Gwynfor - Plaid Cymru
Dafydd Elis-Thomas oedd yn cynrychioli'r etholaeth yma o 1999 hyd eleni. Ond gyda'r Arglwydd Elis-Thomas yn sefyll lawr, Mabon ap Gwynfor enillodd y sedd dros Blaid Cymru. Fe enillodd gyda mwyafrif o 7,096 o bleidleisiau.
Dwyrain Abertawe
Mike Hedges - Llafur
Enillodd Mike Hedges yn gyfforddus yn Nwyrain Abertawe gyda 12,950 pleidlais.
Daeth Plaid Cymru'n ail gyda 3,250 pleidlais a'r Democratiaid Rhyddfrydol yn drydydd gyda 2,947 pleidlais.
Dwyrain Caerfyrddin a Dinefwr
Adam Price - Plaid Cymru
Enillodd arweinydd Plaid Cymru, Adam Price, ei sedd gyda 15,261 pleidlais - 46% o'r cyfanswm, ond lawr 2.5% o 2016.
Rob James o Lafur daeth yn ail gyda 8,448 (25%) pleidlais a'r Ceidwadwr Havard Hughes yn drydydd gyda 7,751 (23%).
Er i Blaid Cymru gynyddu eu nifer o seddi o 12 yn 2016 i 13 eleni, roedd hi'n noson siomedig iddynt gan fethu dorri tir newydd mewn seddi targed
Dwyrain Casnewydd
John Griffiths - Llafur
Enillodd John Griffiths yn Nwyrain Casnewydd gyda 10,899 pleidlais.
Fe gynyddodd ei gyfanswm o'r bleidlais i 47% - i fyny bron 2.5% o 2016.
Dyffryn Clwyd
Gareth Davies - Y Ceidwadwyr
Gareth Davies oedd llwyddiant cynnar yr etholiad i'r Ceidwadwyr, gan ennill Dyffryn Clwyd gyda 10,792, dros Jason McLellan o Lafur gafodd 10,426.
Safodd yr Aelod Llafur, Ann Jones, i lawr wedi iddi gynrychioli'r etholaeth ers 1999.
Gogledd Caerdydd
Julie Morgan - Llafur
Mae gyrfa wleidyddol hir Julie Morgan yn parhau wedi iddi gael ei hail-ethol i gynrychioli Gogledd Caerdydd. Mae hi'n gyn Aelod Seneddol yn San Steffan ac wedi cynrychioli Gogledd Caerdydd yn Senedd Cymru ers 2016.
Gorllewin Abertawe
Julie James - Llafur
Cafodd ei hail-ethol gyda mwyafrif o 6,521 o bleidleisiau, gan gynyddu ei chanran o'r bleidlais ers 2016.
Gorllewin Caerdydd
Mark Drakeford - Llafur
Roedd hi'n fuddugoliaeth glir i'r Prif Weinidog yng Ngorllewin Caerdydd. Cafodd Mr Drakeford 17,665 o bleidleisiau, gyda'r Ceidwadwyr yn ail gyda 6,454 a Phlaid Cymru yn y trydydd safle gyda 5,897.
Mae Mark Drakeford wedi bod yn Brif Weinidog Cymru ers 13 Rhagfyr, 2018
Gorllewin Caerfyrddin a De Sir Benfro
Samuel Kurtz - Y Ceidwadwyr
Gyda Angela Burns yn sefyll i lawr roedd Gorllewin Caerfyrddin a De Sir Benfro am gael AS newydd. Cafodd Samuel Kurtz ei ethol gyda 11,240 o bleidleisiau, mwyafrif o 936. Riaz Hassan o'r Blaid Lafur oedd yn ail.
Gorllewin Casnewydd
Jayne Bryant - Llafur
Cafodd Jayne Bryant ei hethol unwaith eto i gynrychioli Gorllewin Casnewydd, gyda 14,259 (48%) o'r bleidlais. Roedd hyn yn gynnydd o bron i 4.5% ar ei chyfanswm yn 2016.
Gorllewin Clwyd
Darren Millar - Y Ceidwadwyr
Daliodd Darren Millar ymlaen i'w sedd yn Ngorllewin Clwyd gyda 11,839 o bleidleisiau.
Ond fe gafodd ei fwyafrif ei leihau o 5,063 i 3,685. Llafur oedd yn yr ail safle gyda 8,154 pleidlais.
Mae Darren Millar wedi bod yn Aelod o'r Senedd ers 2007
Gŵyr
Rebecca Evans - Llafur
Enillodd Rebecca Evans yn gyfforddus yn y diwedd, o ystyried bod hon yn sedd roedd y Ceidwadwyr wedi ei thargedu.
Cynyddodd mwyafrif Llafur ers 2016, o 1,829 i 4,795 eleni.
Islwyn
Rhianon Passmore - Llafur
Cafodd Rhianon Passmore ei hethol i gynrychioli Islwyn am yr ail dro. Fe enillodd hi 9,962 o'r pleidleisiau (40.7% o'r cyfanswm).
Llanelli
Lee Waters - Llafur
Roedd hon i fod yn sedd ymylol rhwng Lee Waters a Helen Mary Jones o Blaid Cymru. Ond buddugoliaeth hawdd oedd hi i Mr. Waters yn y diwedd, gan ennill 13,930 (46%) o'r bleidlais, gyda Helen Mary Jones yn ail gyda 8,255 pleidlais.
Maldwyn
Russell George - Ceidwadwyr
Cafodd Russell George ei ethol unwaith eto gyda mwyafrif swmpus o 7,528. Aeth pleidlais y Democratiaid Rhyddfrydol i lawr yn sylweddol, ac fe roddodd Elwyn Vaughan o Blaid Cymru berfformiad cryf gan orffen yn yr ail safle gyda 4,485 (17.95%) o bleidleisiau.
Merthyr Tudful a Rhymni
Dawn Bowden - Llafur
Cafodd Dawn Bowden ei hail-ethol i gynrychioli Merthyr a Rhymni gyda mwyafrif gyfforddus o 9,311.
Mynwy
Peter Fox - Ceidwadwyr
Peter Fox oedd arweinydd Cyngor Mynwy cyn yr etholiad. Enillodd yr etholiad gyda 43% o'r bleidlais.
Roedd Peter Fox yn arweinydd ar Gyngor Mynwy am 13 mlynedd
Ogwr
Huw Irranca-Davies - Llafur
Cafodd Huw Irranca-Davies ei ail-ethol gyda 12,868 (52.5%) o'r bleidlais.
Luke Fletcher o Blaid Cymru oedd yn yr ail safle gyda 4,703 (19.2% o'r bleidlais).
Pen-y-bont ar Ogwr
Sarah Murphy - Llafur
Gyda'r cyn-Brif Weinidog, Carwyn Jones yn penderfynu gadael y Senedd roedd Pen-y-bont am gael aelod newydd i'r Senedd. Ond Llafur enillodd unwaith eto, a hynny'n gymharol gyfforddus.
Cafodd Sarah Murphy 12,388 o'r pleidleisiau gyda Rachel Nugent-Finn o'r Ceidwadwyr yn dod yn ail gyda 8,324 pleidlais.
Pontypridd
Mick Antoniw - Llafur
Enillodd Mick Antoniw gyda 11,511 pleidlais - 42% o'r bleidlais gyfan.
Plaid Cymru ddaeth yn ail gyda 6,183 pleidlais, a'r Ceidwadwyr yn drydydd gyda 5,658.
Preseli Penfro
Paul Davies - Ceidwadwyr
Cafodd cyn-arweinydd y Torïaid yn y Senedd ei ail-ethol.
Fe enillodd 12,295 o'r pleidleisiau, gyda mwyafrif o 1,400. Collodd yr awenau fel arweinwyr y grŵp Ceidwadol yn y Senedd ym mis Ionawr 2021 wedi i nifer o aelodau gael eu cyhuddo o yfed alcohol yn y Senedd yn groes i ganllawiau Covid.
Rhondda
Elizabeth "Buffy" Williams
Fe ddisodlodd Buffy Williams gyn-arweinydd Plaid Cymru, Leanne Wood, mewn canlyniad a oedd yn sioc i'r mwyafrif. Nid yn unig ei bod wedi ennill, ond wedi ennill gyda mwyafrif o 5,497.
Cafodd Buffy Williams 12,832 o bleidleisiau (54%), gyda Leanne Wood yn ail gyda 7,335 (31%). Roedd Leanne Wood i lawr bron 20% o'i chanlyniad pum mlynedd yn ôl.
Buffy Williams, AS newydd y Rhondda
Torfaen
Lynn Neagle
Mae Lynn Neagle yn un o'r rhai prin oedd yn Aelod nôl yn 1999. Cynyddodd ei chyfran o'r bleidlais o 6% gyda chyfanswm o 11,572 (28%).
Wrecsam
Lesley Griffiths - Llafur
Roedd hon yn sedd yr oedd y Ceidwadwyr yn ei thargedu, ond fe ddaliodd Lesley Griffiths ymlaen gyda mwyafrif o 1,350. Yn yr ail safle oedd y Ceidwadwr, Jeremy Kent.
Ynys Môn
Rhun ap Iorwerth - Plaid Cymru
Enillodd Rhun ap Iorwerth gan gynyddu ei bleidlais i 55.91%.
Fe wnaeth y Ceidwadwyr a Llafur gynyddu eu pleidlais hwythau hefyd, gyda'r bleidlais Geidwadol yn codi o 11.54% yn 2016 i 20.51 eleni.
Enwebiadau rhanbarthol
Canolbarth a Gorllewin Cymru
Eluned Morgan - Llafur
Joyce Watson - Llafur
Cefin Campbell - Plaid Cymru
Jane Dodds - Democratiaid Rhyddfrydol
Fel yn 2016, dim ond un AS sydd gan y Democratiaid Rhyddfrydol yn y Senedd eleni - Jane Dodds, arweinydd y blaid yng Nghymru
Gogledd Cymru
Carolyn Thomas - Llafur
Llŷr Gruffydd - Plaid Cymru
Mark Isherwood - Ceidwadwyr
Sam Rowlands - Ceidwadwyr
Canol De Cymru
Rhys ab Owen - Plaid Cymru
Heledd Fychan - Plaid Cymru
Andrew RT Davies - Ceidwadwyr
Joel James - Ceidwadwyr
Andrew RT Davies. Cafodd y Ceidwadwyr y nifer fwyaf o Aelodau erioed mewn etholiad i'r Senedd, gan ennill 16 sedd
Dwyrain De Cymru
Delyth Jewell - Plaid Cymru
Peredur Owen Griffiths - Plaid Cymru
Laura Anne Jones - Ceidwadwyr
Natasha Ashgar - Ceidwadwyr
Gorllewin De Cymru
Sioned Williams - Plaid Cymru
Luke Fletcher - Plaid Cymru
Tom Giffard - Ceidwadwyr
Altaf Hussain - Ceidwadwyr
Hefyd o ddiddordeb: