Diflaniad Frankie Morris: Heddlu yn rhyddhau dau

CCTV yn dangos Frankie MorrisHeddlu'r Gogledd

Cafodd Frankie ei weld ddiwethaf yn gwthio ei feic ger y Vaynol Arms

Mae'r heddlu sy'n ymchwilio i ddiflaniad Frankie Morris yng Ngwynedd wedi rhyddhau dau o'r bobl gafodd eu harestio dros y penwythnos.

Mae un person yn parhau i gael eu holi ar ôl i'r llanc 18 oed o Landegfan fethu a dychwelyd adref ôl mynd i barti mewn chwarel ger Waunfawr.

Cafodd un o'r tri gafodd eu holi ei arestio ar amheuaeth o achosi marwolaeth trwy yrru'n beryglus.

Cafodd Frantisek "Frankie" Morris, 18, ei weld ddiwethaf ger y Vaynol Arms, Pentir, ddydd Sul, 2 Mai.

Dros y penwythnos fe wnaeth deifwyr afon yr heddlu ymuno yn y chwilio.

Ddydd Llun dywedodd yr heddlu eu bod yn parhau i chwilio yn ardal Pentir.

"Fe fydd presenoldeb sylweddol gan yr heddlu yn parhau ym mhentref Pentir dros y diwrnodau nesaf tra byddwn yn parhau i chwilio," meddai'r prif arolygydd Owain Llewelyn

"Byddwn yn hoffi diolch i'r gymuned leol am eu cefnogaeth a'u dealltwriaeth tra bod ffyrdd lleol yn parhau i gael eu heffeithio a'u cau oherwydd yr ymchwiliad."

Mae deifwyr yr heddlu wedi bod yn chwilio Afon Cegin am "gliwiau" i'w ddiflaniad.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan North West Police Underwater Search & Marine Unit

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Mae gyrwyr wedi bod yn cael eu stopio gan yr heddlu hefyd, wrth i'r ffordd o Bont Felin, Pentir sy'n mynd tuag at Waen Wen barhau ar gau.

Apeliodd y Prif Arolygydd Owain Llewelyn ar nifer o yrwyr ceir penodol i gysylltu â nhw hefyd, gyda'r lluniau'n cael eu rhannu ar gyfrifon yr heddlu ar wefannau cymdeithasol.

Dywedodd swyddogion eu bod wedi siarad â beiciwr a gafodd ei weld ar deledu cylch cyfyng yn yr ardal ac nad oedd bellach yn rhan o'u hymchwiliad.

Ond maen nhw'n dal yn awyddus i siarad â thri beiciwr a gafodd eu gweld ger y dafarn tua 13:45 y dydd Sul hwnnw.

Llun teulu

Roedd Frankie Morris wedi bod mewn parti mewn chwarel ger Waunfawr cyn iddo ddiflanu

Mae'r heddlu'n parhau i apelio ar unrhyw un a oedd yn y digwyddiad, neu'r 'rave', yn chwarel Waunfawr ddydd Sadwrn, 1 Mai i gysylltu â nhw.

Cafodd Frankie ei weld ddiwethaf ar deledu cylch cyfyng yn gwthio ei feic ger y Vaynol Arms.

Mae llawer o wirfoddolwyr wedi bod yn rhan o'r chwilio am Mr Morris, gan ddefnyddio drônau a chŵn.

Pynciau cysylltiedig

Straeon perthnasol