Dau wedi marw mewn gwrthdrawiadar yr A40 ger Llandeilo
- Cyhoeddwyd
Fe ddigwyddodd y gwrthdrawiad ar yr A40 ger Llandeilo ddydd Iau
Mae dau berson wedi marw yn dilyn gwrthdrawiad rhwng lori a fan ger Llandeilo ddydd Iau.
Dywedodd Heddlu Dyfed-Powys fod gyrrwr y Ford Transit gwyn a gyrrwr y lori werdd wedi eu lladd yn y gwrthdrawiad ar yr A40 ger y Cottage Inn am oddeutu 12:20.
Mae teuluoedd y ddau ddyn 62 a 40 oed a gafodd eu lladd yn y digwyddiad yn cael eu cefnogi gan swyddogion arbenigol.
Cafodd merch ifanc a oedd yn deithiwr yn y lori ei chludo i'r ysbyty gyda mân anafiadau.
Roedd yr A40 ar gau am sawl awr ond cafodd ei ailagor am tua 22:00.
Mae'r heddlu yn galw am dystion i'r gwrthdrawiad neu unrhyw un sydd â fideo dashcam o'r cerbydau i ffonio 101.