Heddlu'n ymchwilio ar ôl marwolaeth plentyn 2 oed

Mae'r farwolaeth yn cael ei thrin fel un heb esboniad

Mae plentyn dwy flwydd oed wedi marw ar ôl digwyddiad yn Sir y Fflint.

Cafodd Heddlu Gogledd Cymru eu galw i ddigwyddiad yng Nglannau Dyfrdwy tua 22:00 ddydd Sadwrn, 14 Awst.

Cafodd y plentyn ei gludo i ysbyty yng Nghaer cyn cael ei drosglwyddo i Ysbyty Plant Alder Hey yn Lerpwl, lle bu farw nos Lun.

Mae'r heddlu yn trin y farwolaeth fel un heb esboniad.

"Rydym yn gweithio gydag asiantaethau eraill i ymchwilio amgylchiadau'r digwyddiad," meddai llefarydd.

Dywedodd yr heddlu y dylai unrhyw un gydag unrhyw wybodaeth gysylltu â nhw ar unwaith.