Gêm gartref gyntaf Wrecsam o'r tymor yn gyfartal
- Cyhoeddwyd
Paul Mullin ar ôl sgorio'r gôl a ddaeth â Wrecsam yn gyfartal
Roedd y Cae Ras yn llawn nos Lun i weld gêm gartref gyntaf Wrecsam o'r tymor yn y Bencampwriaeth a orffennodd yn gyfartal 1-1 yn erbyn Notts County.
Roedd Wrecsam yn haeddu o leiaf pwynt o'r gêm, a ddaeth yn sgil peniad Paul Mullin yn fuan wedi dechrau'r ail hanner.
Yn groes i rediad y chwarae, yr ymwelwyr oedd y tîm cyntaf i sgorio - ym munud olaf yr hanner cyntaf, gyda Kyle Wootton yn sgorio'i drydedd gôl mewn tair gêm.
Ond roedd yna siom i gefnogwyr oedd wedi gobeithio cael eu golwg gyntaf ar berchnogion enwog newydd y clwb yn y cnawd.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Doedd yr actorion Ryan Reynolds na Rob McElhenney ddim yno i wylio'r tîm nos Lun, er bod McElhenney wedi bod yn ffilmio cyfres deledu yn Nulyn dros y penwythnos.
Cyhoeddodd neges Gymraeg - "Croeso adref!" - ar ei gyfrif Twitter ychydig oriau cyn y gic gyntaf.
Mae'r canlyniad yn golygu bod Wrecsam yn wythfed safle'r tabl gyda phum pwynt - un safle'n is na Notts County oherwydd gwahaniaeth goliau.