Cwpan y Byd 2022: Belarws 2-3 Cymru

Gareth BaleReuters

Fe sicrhaodd tair gôl Gareth Bale fuddugoliaeth i Gymru yn erbyn Belarws ddydd Sul yn rowndiau rhagbrofol Cwpan y Byd yn Kazan, Rwsia.

Cafodd ysbryd y Cymry ei godi yn y munudau cyntaf a hynny wedi i Bale sgorio trwy gic o'r smotyn.

Ond wedi 29 munud a chamgymeriadau amddiffyn gan Gymru roedd yna gic gosb i'r tîm cartref a dyma Vitali Lisakovich yn unioni'r sgôr o ddeuddeg llath.

Funud yn ddiweddarach roedd Belarws ar y blaen wedi i Pavel Sedko sgorio'n hawdd.

Y sgôr ar hanner amser oedd Belarws 2, Cymru 1.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Chwaraeon Radio Cymru

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Roedd yna fwy o ysbryd yn chwarae Cymru ar ddechrau'r ail hanner gyda chroesiad gwych gan Rubin Colwill ac ergyd dda gan Brennan Johnson i gyfeiriad y gôl.

Ond ofer fu'r ymdrechion a bu arhosiad y ddau ddim yn hir ar y cae wrth i Robert Page roi cyfle i ddau eilydd - Mark Harris a Jonny Williams.

Wedi 69 munud fe unionodd Cymru'r sgôr wrth i Bale sgorio o'r smotyn unwaith eto - y tro hwn ar ôl trosedd yn erbyn Ben Davies yn y cwrt cosbi.

Cymru Belarws

Roedd yna ymdrechion eraill - gan Bale, a gan Belarws - ar y gôl cyn y chwiban olaf ond fe ddaeth y fuddugoliaeth yn yr amser ychwanegol gyda Bale yn sicrhau hat-tric.

Y sgôr terfynol - Belarws 2, Cymru 3 a'r cochion yn bachu tri phwynt, er bod 13 o aelodau'r garfan yn absennol oherwydd anafiadau, rheolau Covid-19 neu drafferthion fisa.

Mae tîm Robert Page wedi ennill dwy gêm a cholli un hyd yma yng Ngrŵp E - dim ond un wlad sy'n cael mynd drwodd yn awtomatig i'r rowndiau terfynol yn Qutar yn 2022.

Bydd gêm ragbrofol nesaf tîm Cymru nos Fercher yn erbyn Estonia yng Nghaerdydd.

Pynciau cysylltiedig

Straeon perthnasol