Beiciwr modur wedi marw mewn gwrthdrawiad yng Ngwynedd
- Cyhoeddwyd
Fe ddigwyddodd y gwrthdrawiad ar yr A493 ger pentref Y Friog, rhwng Dolgellau a Thywyn
Mae beiciwr modur yn ei 70au wedi marw yn dilyn gwrthdrawiad gyda char ar yr A493 yng Ngwynedd brynhawn Gwener.
Dywedodd Heddlu Gogledd Cymru eu bod wedi cael eu galw i'r digwyddiad ger Y Friog, rhwng Dolgellau a Thywyn, ychydig cyn 14:30.
Yn ôl y llu bu beic modur BMW gwyn a glas mewn gwrthdrawiad â char Kia Sportage arian, a bu farw'r dyn oedd ar y beic modur yn y fan a'r lle.
Ychwanegodd yr heddlu y bydd y ffordd ynghau am beth amser wrth i'r llu ymchwilio i'r digwyddiad.
Mae Heddlu Gogledd Cymru yn apelio ar unrhyw un sydd â gwybodaeth neu fideo dashcam o'r cerbydau i gysylltu â nhw.