Y Gynghrair Genedlaethol: Wrecsam 1-0 Woking
- Cyhoeddwyd
Roedd peniad Jordan Davies yn yr hanner cyntaf yn ddigon i roi buddugoliaeth gartref gyntaf o'r tymor i Wrecsam ddydd Sadwrn.
Fe enillodd y Dreigiau o 1-0 ar y Cae Ras yn erbyn Woking, er gwaetha'r ffaith iddyn nhw fynd lawr i 10 dyn.
Aeth tîm Phil Parkinson yn haeddiannol ar y blaen wedi 40 munud pan ddisgynnodd croesiad Paul Mullin yn berffaith i Davies a rwydodd o 10 llath.
Cafodd David Jones, a ddaeth ymlaen yn lle Davies yn yr ail hanner, ei anfon o'r maes ar ôl dau gerdyn melyn.
Ond fe lwyddodd y tîm cartref i ddal eu gafael a sicrhau triphwynt.