Dyn 72 oed wedi marw yn y môr ger Morfa Nefyn, Gwynedd
- Cyhoeddwyd
Mae dyn wedi marw ar ôl cael ei ganfod yn y môr oddi ar arfordir Pen Llŷn.
Dywedodd Heddlu Gogledd Cymru bod y dyn 72 oed wedi ei ganfod yn anymwybodol yn y dŵr ger Morfa Nefyn brynhawn Mercher.
Cafodd criwiau achub Gwylwyr y Glannau a'r Ambiwlans Awyr eu galw toc cyn 17:00, ond daeth cadarnhad bod y dyn wedi marw.
Dywedodd yr heddlu nad yw'r farwolaeth yn cael ei thrin fel un amheus.