Barnwr yn gorchymyn cau Cinema & Co yn Abertawe

Roedd Anna Redfern o Cinema & Co. wedi gwrthod cydymffurfio â rheolau Llywodraeth Cymru

Mae sinema a chaffi lle'r oedd y perchennog yn gwrthod gofyn i gwsmeriaid ddangos pàs Covid wedi cael gorchymyn i gau.

Fe wnaeth Cyngor Abertawe roi hysbysiad cau i Cinema & Co. wedi iddynt dorri cyfres o reoliadau coronafeirws.

Ond fe arhosodd y caffi ar agor wedi'r gorchymyn.

• Perchennog sinema ddim yn y llys am achos pasys Covid

Roedd y perchennog Anna Redfern yn gwrthod ufuddhau i orchmynion Covid Llywodraeth Cymru am y credai eu bod yn "annheg" ac yn lladd "y diwydiant adloniant".

Ddydd Mawrth dywedodd y barnwr rhanbarthol, Neale Thomas, ei fod yn rhoi ei sêl bendith i gais y cyngor.

Cafodd Ms Redfern orchymyn i dalu costau cyfreithiol o £5,265 i Gyngor Abertawe.