Y Gynghrair Genedlaethol: Chesterfield 0-2 Wrecsam
- Cyhoeddwyd
Fe gostiodd Ollie Palmer, 30, tua £300,000 i Wrecsam o Wimbledon ym mis Ionawr
Sgoriodd Ollie Palmer ddwywaith i roi buddugoliaeth hollbwysig i Wrecsam yn erbyn Chesterfield yn y Gynghrair Genedlaethol.
Y tîm cartref oedd ar y droed flaen yn yr hanner cyntaf, gyda golwr Wrecsam Rob Lainton yn dod i'r adwy ar sawl achlysur.
Roedd yr ymwelwyr yn llawer gwell yn yr ail hanner, a Palmer beniodd Wrecsam ar y blaen wedi i Scott Loach arbed foli Jordan Davies.
Cafodd Palmer ei ail 10 munud yn ddiweddarach, gan selio buddugoliaeth sy'n codi Wrecsam i bumed yn y gynghrair, dri phwynt y tu ôl i Chesterfield.