Celf Crempog ar Ddydd Gŵyl Dewi
- Cyhoeddwyd
Gwyliwch yr artist Nathan Wyburn yn gwneud portread o arwr Cymreig ar grempog!
Pan mae dydd Mawrth crempog a Dydd Gŵyl Dewi yn glanio ar yr un diwrnod, beth mae rhywun yn ei wneud i nodi'r achlysur?
Comisiynodd Cymru Fyw yr artist Nathan Wyburn i wneud portread o arwr Cymreig ar ffurf crempog.
Mae Nathan Wyburn yn arlunydd sydd wedi creu tipyn o enw i'w hun dros y blynyddoedd diwethaf, gyda sêr o'r byd pop a Hollywood ymysg y rhai sy'n edmygu ei waith.
Mae'r artist 32 oed o Lyn Ebwy yn creu gwaith gan ddefnyddio dulliau anarferol, a gyda deunydd anghyffredin fel glo, Marmite a gwaed ffug.
Daeth Nathan i enwogrwydd gyntaf yn 2011 pan gyrhaeddodd rownd gynderfynol Britain's Got Talent, ac ers hynny mae ei yrfa wedi mynd o nerth i nerth.
Ond y tro hwn, mae o wedi defnyddio rhai o'n hoff gynhwysion i'w taenu dros grempog i wneud portread. Allwch chi ddyfalu pwy ydy o?