Y Gynghrair Genedlaethol: Wrecsam 4-2 Boreham Wood
- Cyhoeddwyd
Mae Wrecsam wedi cadw'u lle yn y trydydd safle ar ôl curo Boreham Wood o 4-2 nos Fawrth.
Ollie Palmer sgoriodd y gôl cyntaf wedi pymtheg munud, ond taro'n ôl wnaeth y gwrthwynebwyr gyda Scott Boden yn taro cefn y rhwyd wedi 38 o funudau.
Y sgôr ar yr hanner yn 1-1.
Wedi 61 munud, Aaron Hayden lwyddodd gydag ail gôl y tîm cartref a funudau'n ddiweddarach, gôl arall i Wrecsam gan James Jones.
Ceisio dal i fyny wnaeth Boreham Wood gyda Tyrone Marsh yn sgorio wedi 68 munud, ond llwyddodd Wrecsam i ymestyn y bwlch ar y sgorfwrdd gyda gôl gan Paul Mullin wedi 70 o funudau.
Y sgôr terfynol yn 4-2 i Wrecsam.