Y Gynghrair Genedlaethol: Bromley 0-0 Wrecsam
- Cyhoeddwyd
Roedd hi'n ganlyniad siomedig i Wrecsam yn Hayes Lane brynhawn Sadwrn
Bu'n rhaid i Wrecsam fodloni ar bwynt wrth golli tir yn y ras am y bencampwriaeth.
Mae'r canlyniad di-sgôr yn golygu fod y Dreigiau bellach 11 pwynt tu ôl i Stockport ar y brig.
Methodd Wrecsam a chreu llawer o gyfleon safonol yn erbyn tîm cartref penderfynol, er ennill eu saith gêm ddiwethaf.
Peniodd Aaron Hayden a Max Cleworth dros y trawst i Wrecsam, gyda Ollie Palmer hefyd yn methu a tharo'r nod.
Ond daeth cyfleon i Bromley hefyd gyda Rob Lainton - wnaeth orfod gadael y maes yn ddiweddarach oherwydd anaf - yn gwneud arbediad da yn dilyn ergyd Luke Coulson.
Mae'r canlyniad yn golygu fod Wrecsam yn aros yn y pedwerydd safle.