Dyn wedi marw ar ôl gwrthdrawiad mewn garej ceir
- Cyhoeddwyd
Mae dyn wedi marw yn dilyn gwrthdrawiad mewn garej ceir yn Sir Fflint ddydd Mawrth.
Cafodd y gwasanaethau brys eu galw i Garej Premier ar yr A5104, Ffordd Caer yn Bretton ger Brychdyn tua 08:40 yn dilyn adroddiadau o wrthdrawiad rhwng dyn a thryc Ford Ranger.
Cafodd y dyn - o ganolbarth Lloegr - ei gludo i'r ysbyty ond bu farw yno.
Mae Heddlu Gogledd Cymru yn apelio ar unrhyw dystion i gysylltu â'r llu.