Cymro yn ennill ras 100m Prydain am y tro cyntaf mewn 53 mlynedd

Jeremiah Azu: Un o'r Cymry cyflymaf erioed?

Mae Cymro wedi ennill y ras 100m ym Mhencampwriaethau Athletau'r DU am y tro cyntaf mewn 53 mlynedd.

Roedd buddugoliaeth Jeremiah Azu - a redodd y ras mewn 9.90 eiliad - yn un o'r canlyniadau mwyaf annisgwyl ym Manceinion.

Daeth y gwibiwr 21 oed o Gaerdydd i'r brig yn erbyn gwrthwynebwyr cryf, gan gynnwys y rhedwyr Olympaidd Reece Prescod a Zharnel Hughes.

Dyma'r tro cyntaf i Gymro ennill y ras ers 1969.

Hannah Brier ydy'r Gymraes gyflymaf erioed yn dilyn ei ras 100m ym Manceinion

Daeth hyn ar ôl i Hannah Brier redeg yr amser cyflymaf erioed gan Gymraes yn ras 100m y merched.

Rhedodd yr athletwr o Abertawe y rhagras ym Manceinion mewn amser o 11.33 eiliad.

Bydd Brier yn ymuno â'i brawd Joe, rhedwr 400m, yn nhîm Cymru yn y Gemau Gymanwlad yn Birmingham yn ddiweddarach yn yr haf.