Cwpan Her Ewrop: Cheetahs 26-45 Scarlets
- Cyhoeddwyd
Sgoriodd Steff Evans dau o chwe chais y Scarlets
Mae'r Scarlets wedi ennill eu hail gêm allan o ddau ar ddechrau cystadleuaeth Her Cwpan Ewrop eleni gyda buddugoliaeth gyfforddus a phwynt bonws yn erbyn y Cheetahs yn Yr Eidal.
Sgoriodd tîm Dwayne Peel chwe chais mewn perfformiad campus i'w rhoi ar frig Adran B wedi'r ddwy rownd gyntaf.
Roedd y Scarlets 38-7 ar y blaen ar ddiwedd yr hanner cyntaf ac fe wnaethon nhw lwyddo i atal ymdrechion y tîm o Dde Affrica wedi'r egwyl i gau'r bwlch.
Fe groesodd Steff Evans y llinell ddwywaith, ac fe lwyddodd Sam Costelow gyda'r chwe throsiad.
Fe diriodd Ryan Conbeer, Jonny McNicholl a Sam Lousi yn ystod yr hanner cyntaf ac roedd yna un gais olaf yn y funud olaf gan Ken Owens.