Un yn yr ysbyty wedi gwrthdrawiad car a bws coleg yn Sir Gâr
- Cyhoeddwyd
Dywedwyd yn wreiddiol fod chwe pherson wedi gadael y bws yn ddiogel heb anafiadau
Mae'r heddlu yn ymchwilio yn dilyn gwrthdrawiad rhwng car a bws coleg yn Sir Gaerfyrddin fore Iau.
Yn ôl Heddlu Dyfed Powys, fe darodd bws yn erbyn Citroen C4 cyn taro polyn trydan ar yr A484 rhwng Porth Tywyn a Phwll am tua 07:45.
Roedd y bws yn cludo pump o fyfyrwyr Coleg Sir Gâr, ac fe gafodd un fân anafiadau, meddai'r heddlu.
Cafodd un person ei gymryd i'r ysbyty mewn ambiwlans.
Bu rhan o'r ffordd ynghau am ychydig oriau o tua 08:20, gan effeithio ar draffig rhwng Pen-bre a Llanelli, ond mae bellach wedi ailagor.
Dywed yr heddlu eu bod yn ymchwilio a'u bod yn apelio am wybodaeth.