Hedfan claf i uned drawma wedi gwrthdrawiad ym Mhen Llŷn
- Cyhoeddwyd
Fe ddigwyddodd y gwrthdrawiad ar yr A499 rhwng Penrhos a Llanbedrog brynhawn Iau
Mae person wedi cael ei hedfan i ganolfan trawma yn Lerpwl yn dilyn gwrthdrawiad difrifol yng Ngwynedd brynhawn Iau.
Cafodd y gwasanaethau brys eu galw toc cyn 16:00 i'r digwyddiad ar yr A499 rhwng Penrhos a Llanbedrog ym Mhen Llŷn.
Fe gafodd dau ambiwlans eu hanfon, ynghyd â'r Ambiwlans Awyr.
Mae Heddlu Gogledd Cymru wedi rhybuddio y bydd y ffordd ynghau am gyfnod hir.