Cwmbrân: Dyn 30 oed wedi marw yn dilyn gwrthdrawiad
- Cyhoeddwyd
Fe ddigwyddodd y gwrthdrawiad ar Greenforge Way ynghanol Cwmbrân ddydd Iau
Mae dyn 30 oed wedi marw ac un arall mewn cyflwr difrifol yn dilyn gwrthdrawiad rhwng dau gar yng Nghwmbrân ddydd Iau.
Cafodd Heddlu Gwent eu galw i'r gwrthdrawiad rhwng Ford Focus arian a Skoda Octavia du ar Greenforge Way ynghanol y dref toc wedi 16:00.
Fe gafodd dyn 30 oed oedd yn teithio yn y Skoda ei gyhoeddi'n farw yn y fan a'r lle.
Cafodd gyrrwr y cerbyd hwnnw - dyn 23 oed - ei gludo i Ysbyty Southmead ym Mryste ble mae mewn cyflwr difrifol.
Mae tri pherson oedd yn teithio yn y Ford - dynes 23 oed a dau fachgen tair a phump oed - hefyd wedi mynychu'r ysbyty ond y gred yw nad yw eu hanafiadau yn rhai difrifol.
Mae Heddlu Gwent yn apelio ar unrhyw un oedd yn teithio ar Greenforge Way rhwng 16:00 a 16:30 ddydd Iau, neu sydd â lluniau dashcam, i gysylltu â'r llu.