Y Bencampwriaeth: Abertawe 1-0 Huddersfield
- Cyhoeddwyd
Ryan Manning sgoriodd unig gôl y gêm
Llwyddodd Abertawe i drechu Huddersfield 1-0 ar ddydd Sadwrn, gan eu cadw'n gyfforddus yng nghanol y tabl.
Sgoriodd Ryan Manning i'r tîm cartref wedi 69 munud, gan roi buddugoliaeth haeddiannol i'r Elyrch.
Mae Abertawe felly'n codi un safle i 13eg yn y tabl, ac maent bellach wedi ymestyn eu rhediad i bum gêm heb eu trechu.
Mae'r tîm wedi bod yn chwarae'n dda wrth i ddiwedd y tymor nesáu, ac mae eu llwyddiannau diweddar wedi eu tynnu ymhell yn glir o safleoedd y cwymp.