Lori'n llawn cacennau ar dân yn Sir Ddinbych
- Cyhoeddwyd
Fe gafodd ffordd yr A5 ei chau i'r ddau gyfeiriad am gyfnod
Mae diffoddwyr yn Sir Ddinbych wedi bod yn delio â than ar lori oedd yn cludo cacennau.
Fe gafodd criwiau o Gorwen a Llangollen eu galw i ffordd yr A5 tua 01:15 fore Sadwrn.
Ar ôl i'r tân gael ei ddiffodd, fe wnaeth y fflamau ail-gynnau tua 06:30.
Fe gafodd ffordd yr A5 ei chau i'r ddau gyfeiriad, yn ôl yr heddlu.
Does dim adroddiadau o unrhyw anafiadau.