Arestio dyn ar amheuaeth o lofruddiaeth menyw
- Cyhoeddwyd
Cafodd y gwasanaethau brys eu galw i Sandalwood Court am 11:30 ar ddydd Gwener
Mae dyn wedi cael ei arestio ar amheuaeth o lofruddiaeth menyw yn ninas Casnewydd ddydd Gwener.
Cafodd y gwasanaethau brys eu galw i Sandalwood Court am 11:30 ar ôl i'r fenyw, 44, gael ei chanfod yn anymwybodol.
Mae dyn 25 oed yn parhau yn y ddalfa ac nid yw'r heddlu'n chwilio am unrhyw un arall mewn cysylltiad â'r digwyddiad ar hyn o bryd.
Mae teulu'r fenyw yn cael eu cefnogi gan swyddogion arbenigol.
Dywedodd y Ditectif Prif Arolygydd Virginia Davies: "Bydd swyddogion yn gwneud ymholiadau pellach ar yr adeg yma ac yn parhau yn yr ardal wrth i'r ymchwiliad mynd yn ei flaen.
"Mae'n bosib y byddwch yn gweld yr heddlu'n gweithredu yng Nghasnewydd, ond rydym yn gofyn i chi beidio pryderu.
"Os oes gennych unrhyw bryderon neu wybodaeth siaradwch gyda ni os gwelwch yn dda."