Taclo tân difrifol yng nghanol Llanelli
- Cyhoeddwyd
Mae un person wedi dianc o'r tân ar Stryd Murray, Llanelli
Roedd tua 40 o ddiffoddwyr yn taclo tân difrifol yng nghanol Llanelli nos Fawrth.
Dechreuodd y tân ychydig cyn 18:00 nos Fawrth mewn eiddo ar Stryd Murray, gyda wyth injan dân yn y fan.
Cadarnhaodd Gwasanaeth Tân ac Achub Canolbarth a Gorllewin Cymru fod un person wedi dianc o'r tân ac nad oedd unrhyw anafiadau eraill.
Mewn diweddariad ddydd Mercher, dywedon nhw fod un person yn dioddef o effeithiau anadlu mwg a mân losgiadau.
Nid yw achos y tân yn hysbys.