Ymddiheuriad S4C i Sage Todz am 'gamgymeriad difrifol'

Sage Todz

Mae S4C wedi ymddiheuro am "gamgymeriad difrifol" ar un o'i rhaglenni a ddangosodd lun o rapiwr anghywir wrth gyfeirio at yr artist Sage Todz.

Ar Twitter, fe wnaeth Sage Todz rannu fideo o raglen Prynhawn Da gyda'r cyflwynwyr yn cyfeirio at y rapiwr wrth ddangos llun o rapiwr arall o Gaerdydd, Mace the Great.

Yn ei neges, dywedodd Todz bod "rhaid gwneud yn well na hyn", gan ychwanegu nad yw'n edrych "dim byd fel Mace the Great, a'i fod "ond yn y stiwdio yr wythnos ddiwethaf".

Wrth ymateb ar Twitter, mae S4C wedi ymddiheuro am y "camgymeriad difrifol".

Ychwanegodd y neges: "Rydym yn cytuno nad yw hyn yn ddigon da ac yn cydnabod bod angen inni wneud yn well.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan S4C 🏴󠁧󠁢󠁷󠁬󠁳󠁿

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

"Mae gennym y parch mwyaf tuag atat fel artist ac unigolyn."

Mae'r camgymeriad wedi denu anfodlonrwydd ar y cyfryngau cymdeithasol, gydag un yn dweud ei fod yn "chwerthinllyd", ac un arall yn ei alw "y tu hwnt i embaras".

Ychwanegodd datganiad pellach gan Swyddfa'r Wasg S4C eu bod yn "hynod siomedig" gyda'r digwyddiad ac "wedi trafod camau gyda'r cwmni cynhyrchu i sicrhau na fydd rhywbeth tebyg yn digwydd eto".

Pynciau cysylltiedig

Straeon perthnasol