Apêl wedi gwrthdrawiad angheuol ger Bedwas
- Cyhoeddwyd
Fe ddigwyddodd y gwrthdrawiad ar gyrion Bedwas yn Sir Caerffili ddydd Gwener
Mae dyn, 58, wedi marw ar ôl gwrthdrawiad rhwng dau feic modur a char.
Dywed Heddlu Gwent i'r gwrthdrawiad ddigwydd ar ffordd yr A468 ger Bedwas yn sir Caerffili am 17:50 ddydd Gwener.
Bu farw'r dyn o Gaerffili yn y fan a'r lle ac mae ei deulu yn cael cymorth arbenigol.
Aed â dyn arall, 70, o Gaerffili i Ysbyty Athrofaol Cymru yng Nghaerdydd.
Mae plismyn yn apelio am wybodaeth am y digwyddiad gan unrhyw un a oedd yn teithio ar ffordd yr A468 rhwng cylchfan Coed Cedrwydd a Bedwas rhwng 17:30 a 18:30.