Dyn wedi marw mewn gwrthdrawiad ger Llantrisant, Sir Fynwy
- Cyhoeddwyd
Fe gadarnhaodd parafeddygon bod gyrrwr un o'r cerbydau wedi marw ar safle'n gwrthdrawiad.
Mae dyn wedi marw mewn gwrthdrawiad difrifol rhwng dau gerbyd ger Llantrisant, Sir Fynwy, nos Fercher.
Cafodd y gwasanaethau brys eu galw i'r digwyddiad ar Ffordd Brynbuga ym Mhontnewydd ar Wysg toc cyn 22:30.
Fe gadarnhaodd Heddlu Gwent bod gyrrwr un o'r cerbydau, dyn 36 oed, wedi marw yn y fan a'r lle.
Mae teulu'r dyn bellach yn derbyn cefnogaeth gan swyddogion arbenigol.
Mae Heddlu Gwent yn apelio ar i unrhyw un oedd yn yr ardal ar y pryd neu sydd â lluniau dashcam all fod o ddefnydd i'r ymchwiliad i gysylltu â nhw cyn gynted â phosib.