Canfod corff wrth chwilio am ddyn ar goll ar Ynys Môn
- Cyhoeddwyd
Roedd Ieuan Harries yn 55 oed ac yn dod o Niwbwrch
Mae'r heddlu'n dweud bod corff wedi cael ei ganfod wrth iddyn nhw chwilio am ddyn oedd ar goll o Ynys Môn.
Dywedodd Heddlu Gogledd Cymru fod corff wedi cael ei ddarganfod brynhawn Mercher, wrth iddyn nhw chwilio am Ieuan Harries.
Roedd Mr Harries yn 55 oed ac yn dod o Niwbwrch.
Mae teulu Mr Harries wedi cael gwybod, ac yn cael cymorth gan swyddogion arbenigol.
Ychwanegodd yr heddlu bod y crwner wedi cael ei hysbysu hefyd.