Aur i Aled Sion Davies ym mhencampwriaethau’r byd
Mae Aled Sion Davies hefyd wedi ennill tair medal aur Paralympaidd yn ystod ei yrfa
- Cyhoeddwyd
Mae'r Cymro Aled Sion Davies wedi ennill aur ym Mhencampwriaethau Para Athletau'r Byd am y pumed tro yn olynol.
Fe wnaeth Davies, oedd yn cynrychioli Prydain, arwain y gystadleuaeth taflu pwysau F63 o'r dechrau i'r diwedd ym Mharis.
Daeth ei dafliad gorau o 16.16m yn y rownd ail olaf, wrth iddo ennill y gystadleuaeth o bron i ddau fetr.
Sajad Mohammadian o Iran (14.38) ddaeth yn ail, ac Edenilson Roberto o Frasil (14.06) yn drydydd.