Eisteddfod 2025: Cyhoeddi prif artistiaid Maes B

Adwaith fydd yn cloi'r perfformiadau ar nos Sadwrn olaf yr Eisteddfod

Mae prif artistiaid Maes B yn Eisteddfod Genedlaethol Wrecsam 2025 wedi eu cyhoeddi.

Bwncath, Gwilym, Fleur de Lys ac Adwaith fydd yn cloi'r perfformiadau ar brif lwyfan y maes ieuenctid eleni.

Bydd cyngherddau Maes B yn dechrau ar nos Fercher 6 Awst, ac yn dod i ben ar nos Sadwrn 9 Awst.

Fe fydd gweddill yr artistiaid a DJ's yn cael eu cyhoeddi yn y flwyddyn newydd.

Fleur de Lys fydd prif artist Maes B ar nos Wener 8 Awst

Bwncath fydd y prif fand ar y nos Fercher agoriadol, a hwythau gydag albwm newydd ar y ffordd y flwyddyn nesaf.

Y band poblogaidd Gwilym fydd yn cloi arlwy Maes B ar y nos Iau.

Fleur de Lys - prif artist nos Sadwrn Maes B y llynedd - fydd yn cloi perfformiadau nos Wener.

Ac Adwaith fydd yn cloi'r bedwaredd noson o gerddoriaeth Gymraeg ym Maes B - dyma fydd yr eildro i'r grŵp o ardal Caerfyrddin fod yn brif artist ar nos Sadwrn olaf yr Eisteddfod.

Mae Adwaith hefyd yn rhyddhau eu halbwm diweddaraf y flwyddyn nesaf.

Bydd tocynnau i Maes B yn mynd ar werth ar 4 Rhagfyr.