Person wedi marw yn Afon Hafren yn Y Trallwng

Cafodd y corff ei ddarganfod yn Afon Hafren yn ardal Y Trallwng

Mae person wedi cael ei ganfod yn farw yn Afon Hafren yn ardal Y Trallwng nos Wener.

Dywedodd Heddlu Dyfed-Powys y cafodd corff ei dynnu o'r afon tua 20:00 yn dilyn ymgyrch i chwilio am berson yn y dŵr.

Mae teulu'r person wedi cael gwybod ac maen nhw'n derbyn cefnogaeth swyddogion arbenigol.

Dywedodd y llu fod y gwasanaethau brys yn parhau yn yr ardal a'u bod yn gofyn i'r cyhoedd gadw draw tra bo'r ymchwiliad yn parhau.