Y diwedd yn agosáu i Erol Bulut fel rheolwr Caerdydd?

Ydi'r diwedd yn agosáu i Erol Bulut fel rheolwr Caerdydd?

Pum gêm, un gôl, un pwynt ac ar waelod y Bencampwriaeth - mae hi wedi bod yn gychwyn truenus i'r tymor i'r Adar Gleision.

Mae'r perchennog Vincent Tan wedi dangos ei barodrwydd sawl tro dros y blynyddoedd i ddiswyddo rheolwyr yn sydyn, felly faint o amser sydd gan Bulut i wella'r canlyniadau?

"Mae Bulut o dan bwysau, does 'na ddim cwestiwn o hynny," meddai cyn-flaenwr Cymru Malcolm Allen yn y bennod ddiweddaraf o'r podlediad pêl-droed Y Coridor Ansicrwydd.

"Os nawn nhw golli yn erbyn Leeds ddydd Sadwrn, mae o mewn trwbwl mawr, " ategodd cyn- chwaraewr canol cae Cymru Owain Tudur Jones.

Mae modd gwrando ar Y Coridor Ansicrwydd ar BBC Sounds