Rhybudd melyn am law trwm i rannau o Gymru

Mae'r rhybudd yn weithredol o 18:00 dydd Sadwrn tan 21:00 dydd Sul

Mae'r Swyddfa Dywydd wedi cyhoeddi rhybudd melyn am law trwm ar gyfer rhannau o Gymru dros y penwythnos.

Mae'r rhybudd melyn yn weithredol o 18:00 dydd Sadwrn tan 21:00 dydd Sul.

Dywedodd y Swyddfa Dywydd nad yw'n sicr ble y bydd y glaw trymaf, ond mae disgwyl hyd at 50mm o law ar draws rhannau o'r canolbarth a'r de, ac fe allai hyd at 75mm o law ddisgyn mewn rhai mannau.

Mae 'na rybudd hefyd y gallai'r amodau arwain at lifogydd mewn mannau, oedi i wasanaethau trafnidiaeth, ac mae'n bosib y bydd yn amharu ar gyflenwadau trydan.

Mae'r rhybudd yn berthnasol i'r siroedd canlynol:

• Abertawe

• Blaenau Gwent

• Bro Morgannwg

• Caerdydd

• Caerffili

• Casnewydd

• Castell-nedd Port Talbot

• Ceredigion

• Merthyr Tudful

• Penybont

• Powys

• Rhondda Cynon Taf

• Sir Benfro

• Sir Fynwy

• Sir Gaerfyrddin

• Torfaen

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.