Arestio dyn, 44, ar ôl adroddiadau o saethu
Fe gafodd swyddogion eu hanfon i Stryd y Bont, Maesteg, ddydd Sadwrn
- Cyhoeddwyd
Mae dyn wedi cael ei arestio ac mae "arf aer" wedi ei ganfod ar ôl i'r heddlu dderbyn adroddiadau o saethu ym Mhen-y-bont ar Ogwr.
Cafodd swyddogion eu hanfon i Stryd y Bont, Maesteg, ddydd Sadwrn ar ôl cael galwad am 20:40.
Mae dyn 44 oed wedi cael ei arestio ar amheuaeth o fod yn feddw ac yn afreolus, ac am rwystro'r heddlu.
Dywedodd Heddlu De Cymru fod Taser wedi'i ddefnyddio cyn arestio'r dyn.
Mae'r heddlu'n parhau i ymchwilio ac wedi gofyn am unrhyw wybodaeth gan dystion.