Rhybudd am stormydd o daranau i'r canolbarth a'r de

Rhybudd TywyddSwyddfa Dywydd

Mae'r rhybudd mewn grym ar gyfer rhannau helaeth o ganolbarth a de Cymru a Lloegr

Mae'r Swyddfa Dywydd wedi cyhoeddi rhybudd melyn am stormydd o daranau ar gyfer rhannau o'r canolbarth a'r de dros y penwythnos.

Mae'r rhybudd mewn grym rhwng 09:00 a 18:00 ddydd Sadwrn.

Mae arbenigwyr yn rhybuddio y gallai'r tywydd garw achosi llifogydd a thrafferthion i deithwyr mewn mannau.

Gallai 10-15mm o law ddisgyn mewn cyfnodau cymharol fyr, tra bod 30-40mm yn bosib mewn rhai mannau.

Mae mellt, cenllysg a gwyntoedd cryfion hefyd yn bosib, yn ôl y Swyddfa Dywydd.

Mae'r rhybudd yn berthnasol i'r siroedd canlynol:

  • Blaenau Gwent

  • Pen-y-bont ar Ogwr

  • Caerffili

  • Caerdydd

  • Sir Gaerfyrddin

  • Merthyr Tudful

  • Sir Fynwy

  • Castell-nedd Port Talbot

  • Powys

  • Rhondda Cynon Taf

  • Abertawe

  • Torfaen

  • Bro Morgannwg

Pynciau cysylltiedig