Cyhuddo dyn wedi gwrthdaro rhwng cefnogwyr pêl-droed
Cafodd grŵp o bobl eu gweld yn taflu poteli y tu allan i dafarn yng Nghaerdydd
- Cyhoeddwyd
Mae dyn 18 oed, wedi'i gyhuddo yn dilyn gwrthdaro rhwng cefnogwyr pêl-droed ddydd Sadwrn.
Mae Mackenzie Bailey, o dde Sir Gaerloyw, wedi'i gyhuddo o drosedd yn erbyn y drefn gyhoeddus.
Bu swyddogion heddlu arbenigol yn bresennol ger cyffordd Heol Eglwys Fair a Stryd Wood yn y brifddinas cyn y gêm ddarbi rhwng Caerdydd a Bristol City brynhawn Sadwrn.
Fe orffennodd y gêm yn gyfartal gydag un gôl yr un.
Dywed Heddlu De Cymru nad oes neb arall wedi ei arestio.
Mae wedi ei rhyddhau ar fechnïaeth gydag amodau llys.