Heddlu yn apelio am wybodaeth wedi ymosodiad rhyw ar draeth

Mae Heddlu'r Gogledd yn apelio am wybodaeth yn dilyn ymosodiad rhyw ar draeth yng Ngwynedd ddydd Sadwrn.

Cafodd yr heddlu eu galw i adroddiadau fod ymosodiad wedi digwydd ger llwybr yr arfordir ar y traeth yng Nghricieth tua 19:30.

Dywedodd Ditectif Srajant Mark Dickson: "Rydw i'n apelio ar unrhyw un oedd yn cerdded yn ardal Graig Ddu o'r traeth a'r llwybr yr arfordir rhwng 17:30 a 20:30 i gysylltu â ni.

"Nid yw'r fath yma o ddigwyddiadau yn digwydd yn aml, a hoffwn sicrhau'r gymuned fod yna fwy o bresenoldeb yr heddlu yn yr ardal er diogelwch."

Aeth ymlaen i ddweud fod ymchwiliadau i'r digwyddiad hwn yn parhau, ac yn annog unrhyw un sydd â gwybodaeth i gysylltu â nhw.