Arestio tri o fechgyn ar ôl bygwth staff ysgol
- Cyhoeddwyd
Mae tri o fechgyn yn eu harddegau wedi cael eu harestio ar ôl mynd i mewn i ysgol heb ganiatâd a bygwth staff.
Dywedodd Heddlu Gwent fod y bechgyn wedi mynd i mewn i Gymuned Ddysgu Abertyleri ym Mlaenau Gwent tua 08:45 fore Llun.
Cafodd y llu eu galw wedi iddyn nhw fygwth aelodau staff a rhoi'r larwm tân ymlaen.
Mae'r bechgyn - dau 15 oed ac un 14 oed - wedi cael eu harestio ar amheuaeth o achosi cythrwfl (affray) ac achosi difrod troseddol.