Lluniau: Harddu Pen Llŷn i'r Eisteddfod Genedlaethol

Neidio heibio'r oriel luniau

Disgrifiad o’r llun,
Dros y dyddiau diwethaf mae sawl ardal ym Mhen Llŷn wedi bod yn harddu eu bro er mwyn croesawu'r Eisteddfod Genedlaethol
Disgrifiad o’r llun,
Mae arwydd traddodiadol y Brifwyl eisoes i fyny ger y maes ym Moduan, sydd rhwng Nefyn a Phwllheli
Disgrifiad o’r llun,
Mae'n golygu y bydd lleoliadau cyfagos, fel Clwb Rygbi Pwllheli, yn siŵr o fod yn brysur rhwng 5-12 Awst wrth i'r ŵyl gael ei chynnal
Disgrifiad o’r llun,
Mae Efailnewydd hefyd yn un o'r pentrefi agosaf i Foduan fydd yn gweld tipyn o fwrlwm yn ystod yr Eisteddfod
Disgrifiad o’r llun,
Ond mae'r cyffro ar gyfer y Brifwyl wedi ymestyn i bob rhan o Ben Llŷn
Disgrifiad o’r llun,
Yn ardal Botwnnog mae'r trigolion lleol eisoes wedi bod yn addurno, ac yn barod i groesawu ymwelwyr
Disgrifiad o’r llun,
Yr un yw'r teimlad yn Sarn Mellteyrn, sef un o'r cymunedau ym mhegwn mwyaf gorllewinol Pen Llŷn
Disgrifiad o’r llun,
Mae rhai o'r addurniadau, fel ym Mryncynan ger Nefyn, yn cyfeirio at draddodiad morwrol enwog yr ardal
Disgrifiad o’r llun,
Mae rhai o'r addurniadau eraill yn cyfeirio at bethau eraill sy'n gysylltiedig â'r ardal, gan gynnwys ei natur amaethyddol
Disgrifiad o’r llun,
Bu ysgolion yr ardal hefyd yn mynd i hwyl yr addurno, fel yma yn Ysgol Pont y Gof, Botwnnog
Disgrifiad o’r llun,
Mae disgwyl i ddegau o filoedd o bobl ymweld â'r Eisteddfod yn ystod yr wythnos - ond maen nhw'n annhebygol o fod yn aros mewn carafanau mor lliwgar â hyn!
Ffynhonnell y llun, Catrin Jones
Disgrifiad o’r llun,
Mae tref Cricieth wedi dechrau ar y gwaith osod arwyddion i groesawu'r Eisteddfod i Lŷn ac Eifionydd
Ffynhonnell y llun, Catrin Jones
Disgrifiad o’r llun,
Er mai ym Moduan mae'r Eisteddfod, bydd rhannau eraill o Ben Llŷn - fel yma yn Nhudweiliog - hefyd yn gobeithio gweld budd o ymwelwyr i'r Brifwyl
Disgrifiad o’r llun,
Un peth sy'n sicr - mae trigolion Mynytho a gweddill yr ardal yn gyffrous yn barod i groesawu pawb fydd yn dod!

3 Gorffennaf 2023

Pynciau cysylltiedig