Y lleuad yn llenwi'r awyr o Aberdaron i Abertawe

Yr olygfa yn Llandudno nos Fawrth

Roedd golygfeydd godidog i'w gweld ar hyd Cymru nos Fawrth wrth i'r lleuad llawn gyfuno ag eclips lloerol rhannol.

Mae'r hyn sy'n cael ei gyfeirio at fel supermoon - sef pan mae'r lleuad yn ymddangos yn arbennig o fawr a llachar - yn digwydd pan mae'r lleuad ar ei bwynt agosaf wrth fynd o amgylch y ddaear.

Roedd diffyg rhannol ar y lleuad i'w weld yn oriau mân fore Mercher hefyd, gyda thua 4% o wyneb y lleuad wedi ei orchuddio gan gysgod y ddaear.

Gyda'r awyr yn anghyffredin o glir, roedd modd gweld y ffenomenon o bob rhan o Gymru.

Caerdydd

Tonypandy

Llandegla

Mae supermoon yn ddigwyddiad anghyffredin, a dyma'r ail o bedwar fydd yn digwydd eleni.

Dydi diffyg rhannol ar y lleuad ddim yn ddigwyddiad sydd i'w weld yn aml chwaith.

Fe fydd yr eclips lloerol rhannol nesaf ym mis Awst 2026, pan mae disgwyl y bydd 96% o wyneb y lleuad wedi ei gysgodi.

Aberdaron

Caerdydd

Abertawe