Dau ddyn wedi marw mewn gwrthdrawiad ar yr A40
Cafodd yr heddlu eu galw i'r gwrthdrawiad ar yr A40 rhwng Hwlffordd a Trefgarn am 03:10 fore Sul
- Cyhoeddwyd
Mae dau ddyn wedi marw yn dilyn gwrthdrawiad yn oriau mân y bore yn Sir Benfro dros y penwythnos.
Cafodd Heddlu Dyfed-Powys eu galw i wrthdrawiad un cerbyd ar yr A40 rhwng Hwlffordd a Trefgarn am 03:10 bore Sul.
Bu farw'r ddau a oedd yn teithio yn y car - Volkswagen Polo arian - yn y fan a'r lle.
Roedd y ffordd rhwng Hwlffordd a Spittal ar gau tan 16:45 ddydd Sul o ganlyniad i'r gwrthdrawiad.
Mae'r llu'n apelio ar unrhyw un a welodd y gwrthdrawiad neu sydd â lluniau dashcam i gysylltu â nhw.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.