Dyn 21 oed yn yr ysbyty ar ôl ymosodiad honedig yn Y Trallwng
Cafodd yr heddlu eu galw i'r Trallwng am 01:00 fore Sul
- Cyhoeddwyd
Mae dyn yn yr ysbyty ar ôl ymosodiad honedig ym Mhowys dros y penwythnos.
Cafodd yr heddlu eu galw i ddigwyddiad ar Stryd Aberriw yn Y Trallwng am 01:00 fore Sul.
Dywedodd Heddlu Dyfed-Powys fod dyn 21 oed mewn cyflwr sefydlog yn yr ysbyty.
Mae dyn 18 oed wedi ei arestio ar amheuaeth o ymosod ac wedi'i ryddhau ar fechnïaeth.
Mae'r heddlu yn apelio i'r cyhoedd am wybodaeth.