Dyn wedi'i gyhuddo o lofruddio dyn, 37, yn Wrecsam
Cafodd Heddlu'r Gogledd eu galw i ystâd Gwynant, Acrefair ddydd Sul
- Cyhoeddwyd
Mae dyn 30 oed wedi'i gyhuddo mewn cysylltiad ag ymchwiliad i lofruddiaeth yn Wrecsam.
Cafodd yr heddlu eu galw i gyfeiriad ar ystâd Gwynant, Acrefair ychydig cyn 12:30 ddydd Sul oherwydd pryderon am ddiogelwch dyn 37 oed oedd yn byw yno.
Pan gyrhaeddodd yr heddlu, bu farw'r dyn, er gwaethaf ymdrechion parafeddygon.
Mae Thomas Iveson, o ardal Plas Madoc, wedi'i gyhuddo o lofruddiaeth ac fe fydd yn ymddangos yn Llys Ynadon Wrecsam ddydd Iau.
Mae ail ddyn, sy'n 32 oed ac o Wrecsam, wedi'i ryddhau ar fechnïaeth wrth i'r ymchwiliad barhau.
Mae'r crwner wedi cael gwybod, ac mae teulu'r dyn fu farw yn derbyn cymorth gan swyddogion arbennig.