Deiniolen: Arestio dyn ar ôl i gar daro cerddwr
Fe ddigwyddodd y gwrthdrawiad ar Stryd Fawr Deiniolen fore Llun
- Cyhoeddwyd
Mae dyn wedi cael ei arestio yn dilyn gwrthdrawiad rhwng car a cherddwr yn Neiniolen.
Cafodd yr heddlu eu galw i'r gwrthdrawiad ar y Stryd Fawr ychydig wedi 10:00 fore Llun.
Dywedodd Heddlu'r Gogledd eu bod wedi arestio dyn ar amheuaeth o fethu â stopio yn dilyn gwrthdrawiad.
Roedd y ffordd ar gau tan 12:50 wrth i wasanaethau brys ddelio â'r digwyddiad.