Merch 17 mis oed yn yr ysbyty ar ôl disgyn o falconi
Cafodd y gwasanaethau brys eu galw i Welland Crescent ddydd Mawrth
- Cyhoeddwyd
Mae merch 17 mis oed wedi cael ei chludo i'r ysbyty ar ôl disgyn o falconi yng Nghasnewydd.
Cafodd Heddlu Gwent eu galw i Welland Crescent tua 12:45 ddydd Mawrth yn dilyn adroddiad o argyfwng meddygol.
Y gred yw bod y ferch wedi disgyn o uchder o ffenest ar falconi.
Roedd swyddogion yr heddlu, parafeddygon, y gwasanaeth ambiwlans a'r ambiwlans awyr yn bresennol yn y digwyddiad.
Cafodd y ferch 17 mis oed ei chludo i'r ysbyty, ond y gred yw nad yw ei hanafiadau'n rhai all beryglu na newid bywyd.