Llun o gopa'r Wyddfa a'r lleuad yn llonni ffotograffydd

Tony HarnettTony Harnett

Mae'r llun yma o'r Wyddfa wedi denu miloedd ar filoedd o ymatebion ar-lein

Mae llun sy'n dangos pobl ar gopa'r Wyddfa gyda'r lleuad llawn yn gefndir wedi bod yn denu canmoliaeth ar y cyfryngau cymdeithasol.

Dywedodd y ffotograffydd Tony Harnett ei fod wrth ei fodd gyda'i lun diweddaraf sydd wedi cymryd blynyddoedd i'w gipio'n llwyddiannus.

Esboniodd fod yn rhaid i "lawer o wahanol newidynnau" fod yn gywir, gan gynnwys y tywydd a dod o hyd i'r lleoliad iawn.

Cafodd ei arwain gan ap ffôn i nodi'r lle a'r amser gorau.

Er mwyn tynnu'r llun perffaith, aeth Tony tua chwe milltir (10km) i ffwrdd o'r Wyddfa ger llynnoedd prydferth Llynnau Mymbyr, ger Capel Curig yn sir Conwy, dros nos ddydd Gwener.

"Mae rhai lluniau yn mynnu mwy o amynedd a dyfalbarhad nag eraill," meddai'r dyn 42 oed, sy'n wreiddiol o Salford, Manceinion, ond sydd bellach yn treulio llawer o amser yn tynnu lluniau yn Eryri.

"Mae'n llun rydw i wedi bod eisiau ei chael ers rhai blynyddoedd... ac rydw i wedi ei gael o'r diwedd."

Nid yw’r post yma ar Facebook yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Facebook
Dyw'r BBC ddim yn gyfrifol am gynnwys gwefannau allanol. Gallai hysbysebion ymddangos yng nghynnwys Facebook.
I osgoi neges facebook gan Tony

Caniatáu cynnwys Facebook?

Mae’r erthygl yma’n cynnwys elfennau sydd wedi eu darparu gan Facebook. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis Facebook Meta a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Dyw'r BBC ddim yn gyfrifol am gynnwys gwefannau allanol. Gallai hysbysebion ymddangos yng nghynnwys Facebook.

Pynciau cysylltiedig

Straeon perthnasol