Solais thrafaig eadar-amail air an A9 aig A' Mhòigh

Thèid solais thrafaig eadar-amail a chur an sàs air an A9 aig A' Mhòigh fad chola-deug san t-Samhain 2025.

Tha an obair leasachaidh a' ciallachadh gun tèid aona phàirt den rathad fad 200 meatar a dhùnadh eadar Drochaid Rèile na Mòighe agus An Lainn Bheag.

Thathar a' dèanamh na h-obrach seo gus am faighear air saidhbheirean a chur ris an rathad agus obair a' dol an-dràsta airson a' phìos sin den A9 a dhèanamh dà-fhillte.

Tha dùil gum bi na solais ùra a' dol bho Dhiluain 3mh den t-Samhain eadar 07:30m is 9:30f gach là tron t-seachdain ach cha bhith obair sam bith a' dol Disathairne no Là na Sàbainn.

Thathar ag obair air sia mìle den A9 eadar A' Mhòigh agus An Tom Àitinn a dhèanamh dà-fhillte. Dh'èirich a chosgais airson na h-obrach còrr air £100m le dùil a-nise gun cosg an cuibhreann sa £308m.

Thathar air càineadh a dhèanamh air Riaghaltas na h-Alba airson mar a làimhsich iad a' phròiseict air fad agus dàil mòr air a bhith ann. Tha iad ag ràdh gum bi an obair air fad deiseil a-nise ann an 2035.