Maill le obair air aiseagan ChalMac

Tha CalMac a' sùileachadh gur ann aig deireadh a' Chèitein, seach anns a' Ghiblean, a thilleas an MV Caledonian Isles gu prìomh shlighe Arainn, is tha dàil cuideachd air an MV Hebrides.

Tha an Caledonian Isles air a bhith a-mach à seirbheis bhon Fhaoilleach 2024.

Thuirt CalMac gu bheil iad misneachail gur e seo an dàil mu dheireadh a bhios oirre.

Gus an till an Caledonian Isles chun na slighe eadar Àird Rosain agus Tràigh a' Chaisteil, leanaidh an t-seirbheis às an Truthail le dà aiseag, an MV Glen Sannox agus an MV Alfred.

Chaidh innse cuideachd gum bi maill ceala-deug air an MV Hebrides is obair a dhìth air a' bhow visor agus an rampa deiridh.

Tillidh i chun na slighe eadar Ùige, an Tairbeart agus Loch na Madadh air an 22mh dhen Ghiblean an àite an 6mh dhen Ghiblean.

Leanaidh an t-seirbheis a th' ann an-dràsta gun an till i.

Dh'iarr CalMac air an luchd-siubhail an leisgeul a ghabhail.