Bile nan Cànanan Albannach air Aonta Rìoghail fhaighinn

Chaidh Bile nan Cànanan Albannach an dèidh mar a fhuair an reachdas Aonta RÌoghail.

Chuir Buill-Phàrlamaid Albannach taic ris a' bhile san Òg-mhios, ach tha e a-nis air a dhol na achd.

A bharrachd air inbhean ùra don Ghàidhlig agus Albais, bheir Achd nan Cànanan Albannach - am measg eile - cothrom do chomhairlean 'Sgìrean Sònraichte' ainmeachadh far am faodadh a' Ghàidhlig an tuilleadh taice fhaighinn.

Thuirt Leas-Phrìomh Mhinistear na h-Alba, Ceit Fhoirbeis: "Mar neach-labhairt na Gàidhlig, tha mi uabhasach fhèin pròiseil gu bheil Bile nan Cànanan Albannach againn, bile a tha na chlach-mhìle dhan Ghàidhlig, air a dhol na lagh."

Do chuid de dh'eòlaichean is luchd-iomairt, ge-tà, tha an t-Achd fada ro làg, is ro chumhang, an taca ri meud staing na Gàidhlig.

A' deasbad a' chuspair roimhe, thuirt Ceit Fhoirbeis nach urrainnear cànan a chumail beò tro reachdas a-mhàin.

Ach leis an lagh ùr seo air tighinn gu buil, bidh measadh ga dhèanamh air a' bhuaidh a bheir an t-Achd air neart na Gàidhlig anns na bliadhnaichean a tha romhainn.