Leasachadh ionad dualchais Cnoc Soilleir air ìre chudromach a ruighinn

Tha cumadh an togalaich ùir a thathas a' cur ri Cnoc Soilleir, an t-ionad culturail agus coimhearsnachd ann an Dalabrog, a-nis nas nochdte.

Tha am freum stàilinn air a chur suas, ceum cudromach san Dàrna Ìre de Chnoc Soilleir a dh'ionnsaigh amas hub airson cultar, ceòl agus foghlam Gàidhlig a chruthachadh.

'S e a' bhuidheann-ealain Ceòlas a tha os cionn a' phròiseict fom bi ionad-èisteachd le rùm gu leòr airson 200 duine agus dà stiùidio dannsa.

Bidhear a' comharrachadh san Iuchar gu bheil 30 bliadhna on bha a' chiad Sgoil Shamhraidh aig Ceòlas.

'S e a' chompanaidh MacInnes Bros., stèidhichte ann am Beinn na Faoghla, a fhuair an cùmhnant airson na h-obrach.

Tha dùil gum fosgail na goireasan ùr as t-earrach 2026.

Chuir Ailig O' Henley, Cathraiche Chnoc Soilleir Earr., fàilte air an naidheachd.

Thuirt e: "Tha e cumhachdach am freuma stàilinn fhaicinn don a h-uile duine a rinn obair cho cruaidh gus am pròiseact seo a thoirt gu buil.

"Tha Cnoc Soilleir a' samhlachadh spiorad na coimhearsnachd agus luach cultar na Gàidhlig, agus tha sinn air ar dòigh an Dàrna Ìre fhaicinn a' dol an-àirde."